Rahajeng Semengan Tengai muah peteng nyamane makejang, engken kabare jani? Suba pada Ngopi ajak nyantap Godoh Embon ne? Kapah-kapah tepuk, ake berharap ida dane/ente-ente pada seger mekajang.
Keto masi isin Blog-e ene, kapah ngejangin tulisan. Ento krane penulis uyak gae ngarit ajak numbeg di tegal anggon ngalih kiloan. Nah, mulai jani kar adeng-adengin ngae tulisan, disamping hoby, niki sarana untuk ngelestariang basa Bali khususne basa Blelenge.
Ngomong-ngomong unduk basa Baline jani, suba ada perubahan sukat bedik tanpa iraga sadari. Selain logat antar daerah melenan, nika juga krana pengaruh budaya jaman jani. Jenis-jenis perubahan len menurut ane tepukin ake jani sekadi:
- Ada perubahan krana penyerapan kosakata sane baru, contohne masalah seputar teknologi (IT) sing dadi terjemahang matah-matah. Misalne:
- Smartphone: Telepon genggam dueg/pradnyan (Sing cocok, lantang ngawag dadine).
- Nanti Like Foto aku di Facebook ya : Nyanan Demenin Foto ake di MukaBuku nah. (Sing Cocok, matah kelur dadine)
- Miwah ane lenan
- Ada perubahan krana dot metilesang biaya komunikasi, misalne:
- Om Swastyastu -> OSA (Apang bedikan nulis sms)
- Swastyastu Halloo->Swaloow (Apang singket padet, lan mudaan kena biaya nelpon)
- Ada perubahan krana uli cenik sube ngomong basa nasional nanging pergaulan lokal, sehingga meceradukan/campur-campur basane, misalne:
- Jangan Nak e diketoang punyaku.
- Kamu ga bisa, aku Mau Jee tadi.
- Matah sekali orang itu nok.
- Kleeeeeeeeeeeeeeeeeeeeeeeeee Qe Nok.
Keto menurut pengamatan akene, pang ade dogen omongang.
Nah, kanggoang amonto malu nah, mani puanan kar nulis buin. Sampi ajak kucite sube sebak-sebak konden bakat baang makanan.