Minum MIRAS jani suba identik ajak sebagain anak Bali (Sing Makejang).  Ampir sabilang kegiatan maan dogen minum. Luwire : Bazaar, Upacara Nganten, Nelu Bulanin, Ngaben, miwah ane len-lenan.

Raga dalam hal ne, sing ja merasa sok suci, sok bersih, nanging merasa terpanggil untuk maang informasi lan mengimbau mangda sameton sareng sami suud utawi nguangin minum MIRAS. Krana bek pekolih negatif uli minum ento, sekadi :

• Ngusak Kesehatan
• Ngae Basang enggal gedeg
• Enggal nelahang pis
• Ngranaang usak citra Upacara Agama di Bali
• miwah ane len-len

Apabuin jani jaman Globalisasi, persaingan suba ketat. Len raga sibuk minum, kesempatan miwah peluang ekonomi bisa anak luar makatang.

Minum sebantah agelas, duang gelas luung anggon kesehatan, nanging len lebih, bisa jelek dadine. Sekadi ane oraang Wayang CENK BLONK :

1. A Gelas , ento madan EKA PADMA SARI, anggo penganget ukudan
2. Duang Gelas, ento madan DWI AMERTANING, penyeger awak
3. Telung Gelas, TRI KAULA BUSANA,  pesu ajum
4. Petang Gelas, CATUR KEPILA WARSA, buka  bojog dampingin buah2an
5. Limang Gelas, PANCA SURA PONGAH,  nigtig tangkah / paling sakti, paling ebat
6. Nem Gelas, SAD GUNA WIWEKA  merasa paling pintar
7. Pitung Gelas, SAPTA KUPILA WARSA, buka  becica ujanan
8. Kutus Gelas, ASTA SECARA-CARA,  mulut mendidih
9. Sia Gelas, SIA NAWA NGLELEPA, Nyelempang
10. Dasa Gelas, BUTA MATI,  pingsan

Nah keto nyamane makejang, malih apisan, raga sing ja dot menggurui, sok suci, sok idealis, nanging ngajak nyamane makejang apang waspada teken dampak minuman keras.

Nyamane ajak makejang ane taen ngelah Laptop usak, jani suba ada tongos ane bisa menain. Sebenehne suba makelo ada. Adane CEMPAKA LAPTOP.

Dugas ne, Laptop raga ACER ASPIRE 4520 usak Motherboard-ne. Coba takonang di Dealer Resmi ACER, oraina ngantiang  sekitar duang Bulan, ajak ganti Motherboard ajine 2 yuta rupiah. Trus oraina, bandingang nganti Motherboard adaan meli ane baru. buiiiikkkkk….. Ije aliang pis prejani. Telah kucit, pitik, godel meadep ooo…..

Data-data agen enggal, terpaksa coba aba ke Cempaka Laptop. Ngantiang kirang langkung 2 jam, pragat benaina ajak Teknisine. Trus, ongkose wantah 300 Ribu… Ah lega kenehe nok. Soalne bek misi data ditu, sekadi file : XLS, DOC, TXT, PHP, CSS, JS, MP3, ajak ane len-lenan.

Nah, ne wantah informasi dogen, raga sing bani masi ngoraang melahan ajak dealer resmi service-ne. Ne sing ja promosi… Suksma

Alamat Cempaka Laptop :

Denpasar :
Jl. Nusa Indah No. 3 Denpasar Bali
Telp. (0361) 7416464 ; 262322 ; 081353127739

Karangasem :
Jl. Teuku Umar No. 9 Amlapura Karangasem
Telp. (0363) 21675 ; 081337198878

Buleleng :
Jl. A. Yani Gang Dewi Sita No. 15 A Singaraja
Telp. (0362) 24942 ; 08113800735

Ne wantah plesetan dogen, de pati sangetange….

BBM = Bangke Be Mu….
CPU = Ci Panak Uled
IT = Inan Tonya
OS / 2 = Oooooo, somahne dadue
DOS = Dagang Obat Sakit
GNU = Gaya Nanine Uk….
IBM = Ibi Bakat Memunyah
LAN = Liu Anake Nakal
ATI = Adi Tiaang Intipe….
SMS = Saget Maan Somah
MMS = Melahang Milih Somah

1. Sekadi Jagung, da cara Nyambu Bojog
   Jagung isine liu, kewala engkebanga. Nyambu Bojog buahne abesik tapi pameranga.  ( Da pati pamer)
2. Cara Punyan Biu
   Punyan biu mebuah acepok, terus mati. Artine satya teken tresna.
3. Cara Duren, koja cara kedondong.
   Duren kulitne medwi, kasar, kewala isine luung, mulus manis. Kedondong sisine luwung, mulus, kewala isine masem, batune medwi. Koja ningalin uli sisi dogen.
4. Cara bengkoang
   Yadiastun idup di luuune, kewala isine tetep kedas…
5. Sekadi Tabia
   Ngewayahang ngelalahang.
6. Sekadi Buah Manggis
   Isine ditengah patuh ajak isine di sisi.. ( Jujur  )
7. Cara Buah Nangka
   Maang buah ajak getah teken ane ngajeng.
8. Cara Buah Tangkah
   Meguna ajak pianak, Bapakne masi…

Sudang Lepet Jukut Undis

Buleleng kasub (terkenal) ajak masakan ane beraneka ragam. Ada masakan : Mengguh, Belayag, Tipat Cantok, Plecing, Sio Bak, Ote-ote, Es Ancruk, Daluman, miwah ane len-len. Ento mekada selera makan di Buleleng gede sajaan. Masakan ento langah tepuk di tongos ane lenan.

Nah, jani penulis coba mengulas “Sudang Lepet Jukut Undis”. Len artiang secara harfiah, Sudang= Be Pakeh ( Ikan Asin), Lepet = Sengkala (Sial). Berarti SUdang Lepet =”Be Pasih ane Sengkala” . Sengakala krana dadiange makanan… wakakka (pedalem dech). Terus, Jukut=Sayur, Undis=kacang Undis ( selem warnane). Berarti masakan Sudang Lepet Jukut Undis nto gabungan Be Pakeh sengkala ajak Jukut kacang undis.

Sudang Lepet Jukut Undis asane jaan sajaan. Ngelah citarasa ane tegeh, aromane miik, renyah. Kuah jukutne seger, ade. Apa buin jangin basa sambel goreng. Jeg “Nyepak-nyepak Layah” (Nendang-nendang lidah; Pak Bondan). Yadiastuan uli be pakeh, nanging len be lebeng tusing merasa pakehne. Cobain je, pasti sing rugi. Malah, bisa telah duang porsi.

Saking jaan miwah kasubne, Sudang Lepet Jukut Undis ento sampai anggona adan acara di RRI Singaraja sabilang jam 12 tengai.

Amon melali ke Buleleng, sampunang lali, cobain Sudang Lepet Jukut Undis. Jani di Denpasar suba ada warung ane ngadep nto. Len sing pelih alamatne Jalan Pulau Katrangan.

Ayooooo enggaliiiiiin

facebook

Facebook, situs ane ngae anake kecanduan. Situse ene gelahanga ajak Mark Zuckerberg. Jani be dadi Miliarder muda. Padahal ia anak mahasiswa Psikologi, tapi jago ngae Programm.
Len terjemahang bebas, Facebook artine :

• Mua Buku / Muka Buku
• Fa Cebok ( Kurnane Bu Cebok )
• Piss Buuk  ( Uang Kotor )
• miwah ane lenan

Jani  Anake melomba-lomba apang ngelah Account FB. Len sing ngelah FB kone sing gaul, sing ganteng, sing  jegeg, sing kene, sing keto. Makane ane nganggo FB jani hampir uli mekejang kalangan sekadi : Pegawe, Boss, Petani, Buruh, Mahasiswa, PNS, Politikus, Polisi / TNI. Segala umur, uli anak cerik sampe pekak dadong. Uli kaja kangin kelod kauh. Uli Amerika sampe Zimbabwe.  Asanange sing mengenal batas facebook-e.

Facebook, bisa  ngerubah pola hidup, budaya, komunikasi jadma  ring kehidupan sosial bermasyarakat. Liu Anake jani ( ane ngelah Facebook ) adenan chatting nganggo Facebook bandingan teken metemu tur nutur-nutur langsung (Coffee Darat). Sabilang dina sing taen sing Update Status. Len sing update status asananga Gumine sing melingser. Bedik-bedik update status. Ngomong-ngomongang status, ade status ane menggelitik bedik , contohne:

• Dugas ada gempa di Bali ( 19 September 2009 ) semengan, para Facebooker sing je langsung nyelamatang dewek, nanging ngae status malu. “Ade Linuh”, “Ade Gempa”, “Bali Bergoyang oiiii”, “Goyang Bali”, “Semoga Bali aman”.. Suud ngae status, mara pesu meseliweran ngoraang “Iduuup, iduuup, iduuuuuu”.
• Ade anak sebilang 10 menit ngae status. “Lagi Sibuuk ne”, “Lagi bikin laporan”, “Sayang, kamu dimana”, “Lagi Pipis”, “Ntar makan siang yuk”, “Ntar kita nonton yuk”.
• Ade ane puitis “Hidup tanpa cinta bagaikan sebatang pohon yang kokoh berdiri namun dahannya kering, tanpa dihiasi buah ataupun bunga.”
• Jeg ngendah-ngendang statusne, care es campur.

Kawentenan Facebook bisa mekada positif miwah negatif. Tergantung uli sudut pandang anak ningalin. Ade anak ngoraang jelek,  ade masi ngoraang luung. Nah apang obyektif, ene ade contoh-contoh dampak facebook.

Dampak Negatif :

• Hinane di Facebook, anak bajang ngematiang dewek. (http://www.detikinet.com/read/2009/09/22/121502/1207756/398/hinaan-di-facebook-berujung-bunuh-diri)
• Gara-gara ngae Status “Rumah raga kosong”, Rumah ring Inggris bobole ajang maling-e.
• Med-medan di muka komputer dogen. Sing pati kija-kija.
• Pokokne jeg aneh-aneh.

Dampak Postif

• Anak kembar sane kapisahang tibanan-tibanan ketemu lewat FB
• People Power ( contoh : Gerakan Dukungan majeng ring Prita, KPK )
• Tepuk ajak timpal2 TK, SD, SMP…. seterusne..
• Dados anggo promosi barang
• Polih pejatuh karman ( Jodoh )
• Liu ngelah nyama braya
• Media komunikasi sane mudah
• tur bek contoh-contoh positif ane lenan

Pemuputne Facebook mangkin jagi booming. Bisa mekada pekadek pakenyem, ngeling gedeg. Ane penting raga perlu nganggon dengan bijaksana.. Jemak ane melah, filter ane sing cocok ajak budaya ragane… Oceeee

Suksma

manny

Manny Pacquaio, petinju ane terkenal ento ternyata asalne uli Bali. Sajaan tech? Adi bise keto? Kenken sich sejarahane? Bani gondong ?

Nah jani oraina sejarahne….. Nanging setondene ajake ngomongang kehebatanne malu. Dugas raina Redite ( 15-Nov-2009) Miguel Cotto dadianga Soto sajaan…  Sebilang Ronde , Miguel Cotto melaib-laiban di ring, takut kene jaguranne Manny Pacquaio ane terkenal keras… Akhirne di ronde 12, Miguel Cotto kalah TKO.. Wasite terpaksa nyuudang pertandingan. Len sing keto, bisa benyah dadine.

Suud pertandingan, mua-ne Cotto jeg bodo sajaan dadine. Padahal awalne ganteng. Coba tingalin gambare beten ene…

Miguel Cottto (Stonden kena jaguran )

Miguel Cotto ( Suud kena pukulan Manny Pacquaio)

Kerasne pukulan Manny Pacquio terkenal ngae benyah mua mua petinju… Contoh ane lenan Oscar De La Hoya ( Pasti be mekejang nawang )

Oscar DLH (Suud kene jaguran)

Ento mekada penulis (iyang) sing bani dadi petinju.. ilang gantenge nyanan ( wakkak, Narsis bedik ).

Hebatne, Pacquio juara tinju di 7 kelas ane melenan

Tabel pertandingan :

• Gelar	Tanggal	Musuhne
  WBC kelas terbang	4 Desember 1998	Chatchai Sasakul
  IBF kelas bantam super	23 Juni 2001	Lehlohonolo Ledwaba
  The Ring kelas bulu	15 November 2003	Marco Antonio Barrera
  WBC kelas bulu super	15 Maret 2008	Juan Manuel Marquez
  WBC kelas ringan	28 Juni 2008	David Díaz
  The Ring kelas welter junior	2 Mei 2009	Ricky Hatton
  IBO kelas welter ringan
  WBO kelas welter	14 November 2009	Miguel Angel Cotto

Asane sing ada buiin petinju cara ia. Raga dadi nak ASIA bangga bane.  Nanging sing berarti raga sing bangga ajak Cris Jhon. Kene-kene ia masi juara dunia WBA.Cuma sayangne, Cris Jhon sing nyak menek kelas. Seukuran Cris Jhon paling bedik menek kelas ringan.. Manny geen ane cerikan nyidaaang sampe kelas Welter. Manuel Marques ane maan kalange ajak CJ deen jani lebih terkenal, kerana ia nyak menek kelas.

Nah, kembali buin ke Manny Pacquiao. Ia jani suba dadi jadma terkenal di mercapada. Sebilang ia main, miliaran jadmane mebalih. Terus, di Filipina ( negarine Manny Pacquiao ), pas ia maen, anake ane biasa ngae kerusuhan, jeg siep, sepi, makejang mebalih ia. Siang ade pesiat, siang ade maling, sing ade keributan… mimih luung sajaan..
Dumogi di Bali lakar ada Petinju ane cara ia…

Nah jani ke pokok permasalahanne.  Adi bisa Manny Pacquaio oranga ada hubungan ajak nak Bali. Nyen uli Bali?
Pekakne , Dadongne, Bapane, Memene ato apane uli Bali.. Ato ia ngelah kurnan uli Bali?

Kene nyamane ajak makejang. Coba sebilang mebalih tinju dingehang Announcer Tinju ( Michael Buffer ) sebilang nyambatang Petinju.
Manny Pacquaio orange  : MANNY “PAC MAN” PACQUAIO…

Berarti beneh uli Bali kan.. PAC MAN, menyama ngajak PAC YAN, PAC DE, PAC  TUT, PAC MANG, ato PAC PAC ane lenan.

Ento mekade raga harus bangga ngelah nyama dadi petinju terkenal….

Maradona : "Pele metunangan jak nak Muani"

Buenos Aires – Duo legenda sepakbola di masane, Maradona jak Pele, sing taen metemu di lapangan, nanging saling nyelekang. Mara mara ne, Maradona ngoraang  Pele taen keparikosa jak nak muani. (iiiii……)

Pele maan ngoraang kone Maradona sing pantes anggon panutan krana i pidan  “Si Liman Hyang Widhi” ane taen kena narkoba. Maradona singa  kalah nyelekang i Pele.

“Ente dot nawang apa komentar ake teken Pele? Ia taen bercinta ngajak nak muani. Kesuciannya kaparikosa jak nak muani,” sambatne Maradona cara dikutip saking Goal. “Ake sing nawang apa ke nto  contoh ane luwung utawi contoh jelek,” sambatne.

Cara ane gatranga jak BBC, Maradona taen ngoraang masalah ento dugas warsa 2000. Maradona ngoraang anak muani ane maan dadi kabakne Pele inggih punika juru latih tim junior Santos.

Lakar males buin, Pele?

http://www.detiksport.com/sepakbola/read/2009/03/28/163314/1106456/73/kesucian-pele-direnggut-laki-laki